تاي الكومبوست (شاي الكومبوست) مش من عوايدنا نستعملوه رغم الي هو عندو دور مهم في نمو المحصول في البيوت المكيفة والأراضي الفلاحية. ويعتبر التاي الكومبوست مهم بش تكمل عملية التسميد للشجر وبش تزرع النباتات الصغيرة الحساسة.
تاي الكومبوست والا الكومبوست المركز عندو نفس المنافع متاع الكومبوست العادي (مسحوق الكومبوست)
العناصر الغذائية والكائنات الحية مركزة في تاي الكومبوست، هكا علاش لازمو يتحل في الماء قبل الاستعمال.
الكومبوست المركز عندو زوز خصائص:
- الخاصية الأولى هي حماية النبتة من الطفيليات والحشرات وتحفيز جهاز الدفاع للنبتة
- الخاصية الثانية هي تنشيط نباتي، تاي الكومبوست ينتج هرمونات الي تحفز نمو النبتة ويحسن من نوعية العناصر الغذائية المخصصة لتغذية النبتة. وبالتالي النبتة والا الشجرة تولي أكبر وخضراء أكثر وتقاوم الضغوطات الأحيائية.
تاي الكومبوست تنجم تستعملو بثلاث طرق
1- وقت الزراعة، بش تحمي البذور من مشكلة الخماد (عجز ضهور الشتلة)
2- من خلال سقي الشجرات
3- عن طريق الرش الورقي
برشا تجارب علمية أثبتت الي الكومبوست يحمي من برشة ضواهر تهدد النباتات كيفما ضعف أنسجة الأوعية، تآكل سيقان الشجيرات, الأوراق تصفار و تطيح, و التعفن,...
هكا علاش من المستحسن تسقي النباتات أو رشها بتاي الكومبوست خلال فترة الربيع والصيف والخريف مرة كل شهر أو شهرين (حسب حالة الشجرة)
Comments